Jæja þá er nú mikill hluti af fríinu liðinn, einungis fjórir dagar eftir en þó er full dagskrá framundan... næstum því

Liggja á ströndinni og vera í sólbaði á hótelinu í tvo daga, heimsækja annan hluta af "Benidorm" sem heitir Altea og skreppa í ferð með farastjóra og sjá dropahelli sem verður öruggelga mjög gaman og ferlega margar myndir teknar.

Annars það sem maður er búinn að vera gera síðustu daga ber helst að segja frá því er farið var í Terra Natura og skoðuðum við þar alveg helling af dýrum, en þar eru um 1500 dýr og yfir 200 tegundir þar af eru 50 í útrýmingarhættu. Ég var búinn að versla mér 4GB kort í myndavélina á 18þús kr. (18.303.kr) en kostar um 30 heima.. .sjhiz... en það var þess virði því ég tók um 400myndir í þessum dýragarði, enda mjög mikið að sjá.

Dagin eftir fórum við í Terra Mitica, sem er aðal tívolíið og hugsanlega það eina... á svæðinu, þar keyptum við tveggja daga passa því við vissum að við ættum eftir að eyða einhverjum tíma þar. Farið var í öll tæki...(að undanskildum fallturn) og var það alveg hreint svakalega gaman, og fór ég í einhvern brjálæðislegasta rússíbana sem ég hef nokkurntíman prófað en sá fór í lykkjur og á hvolf og allan fjandann hehe, greinilega ekki allir sem þola þetta tæki því í annað sinn er við fórum í þennnan bana þá var einn strákur ca 10-13ára stjarfur eftir í stólnum og hélt utanum brjóstkassann... kanski hann hafi verið eitthvað hjartveikur greyið

Einnig var líka skelfilega gaman að fara í vatnsrússíbanana því manni var orðið svo fáránlega heitt... alveg nauðsynlegt að geta kælt sig svona aðeins niður eftir að vera í 35° hita.

Síðan vorum við að slæpast eitthvað einn dagin og var þá þessi mynd tekin af mér.. í áfenginu að sjálfsögðu, því ég drekk svo SVAKALEGA mikið...eða þannig hehe

síðan stuttu seinna var mér skipað að fara í bol í þessarri verslun...dúmdídúm.....

Og hérna er mynd af einu flugukvikyndinu sem ég lofaði, þessi fluga lætur geitunga/vespur líta út fyrir að vera littla og ræfilslega, þetta er sannkallaður viðbjóður og á stærð við stóru tánna á mér (ekki fyrir viðkvæma hoho, flugan þar að segja...).

Og svo í lokin kemur nokkuð sem ég get sagt um Spánverja

° Þeir eru dónar, öskra "hóra hóra" fyrir framan alla.

° Þeir eru aftur dónar, stoppa sjaldan fyrir manni á "sebra brautum" (þar sem maður á að labba yfir götu).

° Kunna ekki að gera hamborgara, og kunna ekki heldur að búa til góðan kjötbúðing, en þeir nota hann í stað nautakjöts.

° Bjóða manni uppá ógeðsleg jógúrt á hóteli þó annað betra sé til, líkist/smakkast helst myglaðri mjólk.

° Kunna alment ekki að búa til mat, eini maturinn sem maður étur hér með bestu list er McDonalds, enda fylgir stöðlum McDonalds keðjunar...

° Kunna fáir ensku og skilja ekkert í íslensku (er auðvitað bara fáránlegt).

° Setja tunguna á milli tannana þegar þeir segja "gracias" og kemur því einskonar "þ" hljóð þarna inná milli... pælið í því að kunna ekki að segja "gracias" á sýnu eigin tungumáli...þessir Spánverjar...

° Selja mjög gott nammi á mjög lágu verði, er mjög slæmt því nú þarf maður að fara taka á því þegar ferðinni lýkur.

° Talsetja myndir á spænsku, og ennfremur skrifa allar bækur á spænsku (kemur manni á óvart).

° Flytja inn afrískar konur til að búa til fléttur í hárið á fólki.

° Hafa ekki rænt mig neinu.

En endilega kommenta eitthavð fólkur svo ég nenni að halda þessu bloggi gangandi

Jæja þá er ég hér að blogga útá Spáni, hingað til hefur verið gott veður, helst til of gott oft á tíðum en er þó mjög þægilegt hér á kvöldin og snemma á morgnana.
En jæja frásögn mín fer eftir því hvernig ég forgangasraða hlutunum og er þar MATUR hæstur á lista.

Hótelið okkar Albir playa, er fjögurra stjörnu hótel og höfum við hálfan mat þar, en borðum örugglega ekki nema helmingin á við aðra... því þetta er ferlega vondur matur en eftir rétturinn er mjög vel ætur yfirleitt en ekki alltaf.

Því eru smá birgðir af nammi til uppí herbergi, nammi er mjög ódýrt hér  Annars reyndum við líka að fara á aðra staði til að fá okkur að borða, þá hamborgara. Í fyrsta sinn fékk ég ferlega skrítinn hamborgara sem var gerður úr 2 litlum borgurum staflað ofaná hvorn annan, en Herdís sem pantaði það sama fékk bara einn stóran borgara, sökum hversu erfitt er að tjá sig við Spánverja þá gerði ég ekkert úr þessu og át þennan ógeðslega hamborgara (sem var einnig of steiktur).

Í annað sinn er við fengum okkur hamborgara var það bara kjötbúðingur kryddaður með vondu kryddi og var ferlega vont...on ofaní maga fór allt saman því ekki er mikið annað að borða og við vitum aldrei fyrirfram hvort eitthvað sé ætt á hótelinu (undanskildum eftirréttnum). En okkur til MIKILLAR hamingju fórum við á Mc.Donalds í gær og pöntuðum þar mat og var ég glaður að sjá hvað ég var duglegur að panta, því allt í einu var búið að bera fram 2x Happymeal (hamborgari, franskar, jógúrt og dót) 2x hamborgara, 2x Medium franskar, 2x Coca-cola light medium stærð... hehe ég borgaði bara fyrir þetta allt og við gátum svo hlegið aðeins að þessarri vitleysu. En til mikillar hamingju þá gekk það nú bara mjög vel hjá mér að panta núna áðan og fékk allt eins og ég hélt að ég væri að panta hehe .

Annars það sem búið er að gera þessa dagana er að við höfum verið dugleg að bera á okkur sólavörn og liggja í sólbaði, þó er Herdís nokkuð brunnin á herðunum og niður á bak, og ég er brunninn á ANNARRI öxlinni já hehe annarri... ég hef örugglega gleymt að bera á mig vörn þar og vorum við úti að labba í 5 tíma þann dagin, en jæja ég er ekkert meira brunninn en það annarsstaðar þó hehe. Enn sem komið er höfum við bara farið einusinni niður á strönd og var það nú bara nokkuð þægilegt því það kom gola frá sjónum.

Við fórum í eina verslunarmiðstöð hérna sem var svo svakalega stór að maður var kominn með algjört leið á því að labba þar, meira segja Herdís líka, en þar keypti ég eitthvað dót..buxur og svona, sáum svo dýrabúð þar sem verið var að selja allskonar dýr, þar á meðal hvolpa, eðlur og skordýr.

Við fórum í Mundomar sem er eiginlega dýragarður að mínu mati, þar sáum við Sæljónasjów sem var mjög flott og létum taka mynd af okkur með Sæljónunum, einnig sáum við Höfrungasjów sem var ekkert smá flott og alveg ótrúlegt hvað hægt er að kenna þessum dýrum og ótrúlegt hvað þau virðist skilja mikið. Einnig var alveg hægt að skoða helling af öðrum dýrum og tók ég mynd af þeim öllum, og var kortið á myndavélini ekki lengi að fyllast hjá mér. En held ég fari að kaupa eitt 4gb kort í næstu verslun sem ég sé áður en farið er í stóra dýragarðinn, kostar rétt um 18þús krónur hérna...og þá þarf ég varla að hafa áhyggjur af þessu.

Á sunnudaginn fórum við á útimarkað í Benidorm, ég tók myndavélina með mér og allt kittið, en svo var svo mikil mannþröng þarna að ég var ekkert að taka hana upp, annars keypti ég eitthvað aðeins þar, en vá hvað það geta verið til ágengir sölumenn, maður verður bara labba í burtu og þykjast ekki heyra í fólkinu svo það láti mann í friði liggur við. Allavegana ekki stoppa á sama staðnum lengur en eina mínútu. Samt var þetta nú mjög gaman þó að hitinn og sólin hafi farið að segja til sín, en eitt af því merkilegasta sem ég sá þarna voru án efa drekaflugurnar sveimandi um svæðið og einhver RISA fluga sem er eins og fjórar randaflugur á stærð, og án gríns, veit vel að ég er þekktur fyrir það að ýkja um stærð skordýra hehe...en þessi var stór

En það er alveg tonn af vespum hérna og er maður orðinn algjörlega ónæmur fyrir því þó þær sveymi nálægt manni, og reyndar öllum skordýrum hér, persónulega finnst mér að Íslensk skordýr eigi að taka skordýr Spánar sér til fyrirmyndar, þau eru ekkert að vesenast í mannfólkinu hérna heldur bara fljúga sína leið og búið, mjög þægilegt

Annars, ég ætla reyna ná einhverjum myndum af þessum skordýrum  allavegana vespunum, sjáum til með það hvort ég finni einhverja drekaflugu eða RISA flugu sem er kyrr

Annars, mæli með því að kíkja á bloggið hennar Herdísar Evu (www.herdiseva.bloggar.is) ef þið hafið tíma og viljið lesa alveg alla söguna, erum bæði búin að vera rita þá ritgerð..en eiginlega aðalega og eingöngu Herdís

bæjó í bili




Flamingóar í Mundomar (dýragarði no.1)


Höfrungasjów í Mundomar


Ég og Herdís nokkrum sinnum...